Իրաքի տարածքում ԱԹՍ է ընկել

131

Իրաքյան Քուրդիստանի Էրբիլ քաղաքում անօդաչու թռչող սարք է պայթել, որի հետևանքով վիրավորվել է 3 մարդ: Այս մասին հայտարարություն է տարածել Իրաքյան Քուրդիստանի հակաահաբեկչական ծառայությունը:

Հայտարարության համաձայն՝ երեկ երեկոյան՝ Իրաքի ժամանակով ժամը 21:35 Էրբիլ-Փիրմամ ճանապարհին անօդաչու թռչող սարք է պայթել:

Ռազմական աղբյուրները, որոնք նախընտրել են անանուն մնալ, հայտնել են, որ անօդաչու թռչող սարքը խոցվել է: Իսկ ավելի վաղ հայտնել էին, որ անօդաչու թռչող սարքի հարձակման թիրախ է դարձել ԱՄՆ հյուպատոսությունը, սակայն այլ մանրամասներ չեն հաղորդվել:

Իրաքի վարչապետ Մուստաֆա Ալ-Կազեմին հեռախոսազրույց է ունեցել Իրաքյան Քուրդիստանի տարածաշրջանային կառավարության վարչապետ Մասուդ Բարզանիի հետ՝ հավաստիացնելով, որ Բաղդադը կհամագործակցի Էրբիլի հետ՝ մեղավորներին պատասխանատվության ենթարկելու համար: