Ռաքքայում ահաբեկչության զոհ է դարձել 11 մարդ

182

Այսօր վաղ առավոտյան Սիրիայում ավտոբուսի վրա հարձակման հետևանքով 13 մարդ է զոհվել, որոնց մեծ մասը կառավարական ուժերի ծառայողներ են: Տեղեկությունը հայտնել է Սիրիայի պաշտպանության նախարարությունը:

Նախարարության հայտարարության մեջ ասվում է, որ Սիրիայի կառավարական ուժերի 11 զինվորներ և 2 խաղաղ բնակիչներ են զոհվել քաղաքացիական տարանցիկ ավտոբուսի վրա ահաբեկչական հարձակման հետևանքով: Նշվում է, որ ևս 3 զինվոր վիրավորվել է։

Իսկ սիրիական SANA պետական լրատվական գործակալությունը հայտնել է, որ հարձակումը տեղի է ունեցել Ռաքքա նահանգի Ջաբալ ալ-Բիշրի շրջանում։

Իր հերթին Մարդու իրավունքների սիրիական դիտարանը հաղորդել է, որ հարձակումն իրականացվել է «Իսլամական պետության» բջիջների կողմից, որոնք հարվածներ են հասցնում երկրի անապատային շրջաններին:

Հարձակման պատասխանատվությունը դեռևս ոչ ոք չի ստանձնել: