Հասաքայում ԱՄՆ ռազմաբազայի ուղղությամբ հրթիռներ են արձակվել

Սիրիայի Հասաքա նահանգում  տեղակայված ամերիկյան ռազնաբազան ենթարկվել է հրթիռակոծության:

SANA լրատվական գործակալությունը, վկայակոչելով տեղական ռազմական աղբյուրներին, տեղեկացրել է, որ այսօր Ալ-Շադադի քաղաքում տեղակայված ամերիկյան ռազմաբազայի ուղղությամբ մի քանի հրթիռներ են արձակվել, որոնցից մեկն ընկել է ռազմաբազայի տարածք, իսկ մյուսները՝ դրա մերձակայքում:

Ուշագրավ է, որ այս զարգացումները տեղի են ունենում այն ժամանակ, երբ Թուրքիայի նախագահի խոսնակ Իբրահիմ Քալընն այսօր հաստատել է, որ թուրքական ռազմական գործողությունը Սիրիայի հյուսիսում «ցանկացած պահի» կարող է իրականացվել՝ անվտանգության ռիսկերի գնահատման համաձայն։