Իսրայելը և Լիբանանը մոտենում են ծովային սահմանի շուրջ տասնամյակից ավել ձգվող վեճի շուրջ համաձայնության հասնելուն, հայտնում են լիբանանցի պաշտոնյաները և ԱՄՆ միջնորդը:
Al Arabiya-ի փոխանցմամբ՝ ԱՄՆ միջնորդ Հոխշտեյնի և Լիբանանի ղեկավարության հանդիպումները ցույց են տալիս, որ բեկում կարող է մտնել գործընթացում, իսկ Լիբանանի քաղաքական ղեկավարությունը աջակցում է նման գործարքին:
«Մթնոլորտը դրական է, և այս ոլորտում տարաձայնությունների բացը նեղանում է», – հանդիպումից հետո լրագրողներին ասել է Լիբանանի խորհրդարանի փոխնախագահ Էլիաս Բու Սաաբը:
Իսկ լիբանանյան աղբյուրներից մեկը հայտնել էր, որ ԱՄՆ միջնորդը պաշտոնական Բեյրութին է ներկայացրել Իսրայելի առաջարկը, համաձայն որի՝ Քանայի նավթահորը ամբողջությամբ տրվելու է Լիբանանին, իսկ N23 սահմանագծի հյուսիսային հատվածը՝ Իսրայելին:
Նշենք, որ Հոխտշեյնը Բեյրութ էր ժամանել կիրակի Իսրայելի և Լիբանանի ծովային սահմանազատման շուրջ բանակցություններ վարելու:
Միջնորդավորված բանակցությունները Լիբանանի և Իսրայելի միջև սկսվել են 2020 թվականին, սակայն ընդհատվել են և հաջողություն չեն գրանցել: Պատճառը կողմերի միջև հակասությունն է, որը վերաբերում է Միջերկրական ծովի եռանկյունաձև հատվածին: Նշված վիճելի հատվածում հայտնաբերվել են բնական գազի պաշարներ:
Հետևեք մեզ տելեգրամում
