Ադրբեջանի, Վրաստանի և Թուրքիայի կառավարությունները Բաքու-Թբիլիսի-Կարս երկաթուղու նախագծի շրջանակներում տարանցման մաքսային ընթացակարգերը պարզեցնելու համար առաջնային տվյալների էլեկտրոնային փոխանակման վերաբերյալ համաձայնագիր են ստորագրել։
Այս մասին հայտնում է ադրբեջանական Report-ը:
Փաստաթուղթը ստորագրվել է երեք երկրների կառավարությունների միջև մաքսային հարցերով եռակողմ հանձնաժողովի նիստի շրջանակներում, որը կայացել է օգոստոսի 18-ին Բաքվում:
Նշենք, որ Բաքու-Թբիլիսի-Կարս երկաթգիծը Եվրոպան և Ասիան կապող միջանցքի լոգիստիկ մասն է։ Նախագիծը թույլ է տվել միավորել Ադրբեջանի, Վրաստանի և Թուրքիայի երկաթուղային ցանցերը մեկ տրանսպորտային միջանցքի մեջ։ Երկաթգծի ընդհանուր երկարությունը մոտ 830 կմ է։
Հետևեք մեզ տելեգրամում
