Իրաքի վարչապետ Մուստաֆա Ալ-Կազեմին հայտարարել է, որ հրաժարական կտա, եթե երկրում քաղաքական իրավիճակը վատթարանա:
Ալ-Կազեմին ավելացրել է, որ եթե իշխանության շուրջ քաղաքական ուժերի մրցակցությունը շարունակվի, ապա նա ստիպված կլինի հայտարարել վարչապետի պաշտոնի թափուր լինելու մասին՝ համաձայն Իրաքի սահմանադրության 81-րդ հոդվածի։
«Զգուշացնում եմ, որ եթե նրանք [ցուցարարները-խմբ] ցանկանում են շարունակել քաոսը, հակամարտությունը և բախումներ առաջացնել՝ չլսելով բանականության ձայնը, ես կձեռնարկեմ բարոյական և հայրենասիրական իմ քայլը՝ համապատասխան ժամանակին [վարչապետի] պաշտոնը թափուր հայտարարելու համար», – ասել նա:
Կազեմին նաև նշել է, որ չի հրաժարվի «իր ժողովրդի առաջ ստանձնած պատասխանատվությունից»՝ հավելեով, որ ոչինչ ավելի կարևոր չէ, քան «Իրաքը և նրա շահերը»։ Նա հավաստիացրել է, որ իշխանության խաղաղ փոխանցման կողմնակից է։
Հիշեցնենք, որ Բաղդադում՝ «Կանաչ գոտում», որտեղ գտնվում են կառավարական շենքեր և օտարերկրյա դիվանագիտական ներկայացուցչություններ, բախումներ էին ընթանում շիայական քաղաքական ուժերի՝ «Ալ-Սադր» շարժման և «Կոորդինացիոն շրջանակի կողմնակիցների միջև: Զոհերի թիվը հասել է 30-ի, իսկ վիրավորներինը՝ 570-ի: Երեկ Ալ-Սադրը կոչով դիմեց իր աջակիցերին՝ դադարեցնելու բողոքի ակցիաները և հեռանալ «Կանաչ գոտուց»:
Հետևեք մեզ տելեգրամում
