Այսօր Թեհրանում Իրաքի արտգործնախարար Ֆուադ Հուսեյնը հանդիպել է Իրանի նախագահ Էբրդահիմ Ռայիսիի հետ: Այս մասին հաղորդագրություն է տարածել Իրաքի արտգործնախարարությունը:
Հանդիպման ընթացքում Հուսեյնը հավաստիացրել է, որ Իրաքը ձգտում է ամրապնդել Իրանի հետ համագործակցությունը տարբեր ոլորտներում՝ ընդգծելով տարածաշրջանային և միջազգային մարտահրավերներին դիմակայելու համար համատեղ ջանքերի կարևորությունը:
Իր հերթին Իրանի նախագահը հաստատել է պաշտոնական Թեհրանի շարունակական աջակցությունն Իրաքի կայունությանն ու անվտանգությանը։
Նշենք, որ երեկ Իրաքի արտգործնախարարը մեկնել էր Թեհրան: Նա հանդիպել էր նաև իրանցի իր պաշտոնակից Հոսեյն Ամիր Աբդոլլահիանի հետ և մտքեր փոխանակել ընդհանուր հետաքրքրություն ներկայացնող հարցերի շուրջ։
Հետևեք մեզ տելեգրամում
