Իրանի ԱԳ նախարար Ամիր Աբդոլլահիանը հեռախոսազրույց է ունեցել ԵՄ արտաքին քաղաքականության գերագույն ներկայացուցիչ Ջոզեպ Բորելի հետ։
Ինչպես փոխանցում է IRNA-ն, կողմերը քննարկել են միջուկային բանակցությունների ընթացքին, երկկողմ հարաբերություններին առնչվող հարցեր։
Աբդոլլահիանը նշել է , որ ՄԱԳԱՏԷ-ի հետ վերջերս լավ պայմանավորվածություններ են ձեռք բերվել։ Իրանի արտգործնաախարարը նախազգուշացրել է, որ եթե ԵՄ-ն Իրանում անկարգություններ հրահրողներին ու ահաբեկիչներին խրախուսելու համար հապճեպ քաղաքական գործողություններ ձեռնարկի, Իրանը վճռական պատասխան կտա։
Բորելն իր հերթին ընդգծել է, որ ԵՄ-ն պատրաստ է աջակցել համաձայնության կայացմանը։ Նա շեշտել է, որ անկարգություններն ու ահաբեկչական գործողությունները խաղաղ ցույցերից տարբեր են և դրանց պետք է համապատասխան պատասխան տրվի։ Բորելն ընդգծել է, որ մտադիր չեն Իրանի ու Եմ հարաբերություններում խնդիրներ ստեղծել։
Հետևեք մեզ տելեգրամում
