Վերջին երկու ամիսներին Ադրբեջան-Իրան քաղաքական, քարոզչական, ռազմական մանևրների հարթություններում ձնագնդիի էֆֆեկտով խորացող առճակատումը որակապես նոր աստիճանի է բարձրանում` հասնելով նախագահի մակարդակի: Նման համոզմունք է հայտնել տարածաշրջանային հարցերով փորձագետ Արմեն Պետրոսյանը:
Փորձագետը նշել է, որ Շուշիում Իլհամ Ալիևն իր ելույթում Իրանի հասցեին անուղղակի ուղերձներ է հղել, որոնք էլ հենց վերոնշյալի վառ ապացույցն են:
«Հարկ է հիշեցնել, որ երկու հարևանների միջև նման լարվածությունը 2020թ. 44֊օրյա պատերազմից հետո պարբերական բնույթ է կրում և կրելու է։ Վերջինը ճիշտ 1 տարի առաջ էր»,- ավելացրել է Պետրոսյանը:
Նրա խոսքով՝ տարածաշրջանային նման զարգացումների ֆոնին Հայաստանի համար կարևոր մանևրային հնարավորություններ են ստեղծվում` քարոզչական հարթությունում գրագետ կերպով ազդելու ծավալվող գործընթացների վրա:
Հետևեք մեզ տելեգրամում
