Ադրբեջանի նախագահ Իլհամ Ալիևն այս անգամ Իրանին ռազմական հարձակմամբ է սպառնացել:Նման համոզմունք է հայտնել միջազգային հարցերով իրանցի փորձագետ Էհսան Մովահեդիանը՝ Irdiplomacy վերլուծական կայքում հրապարակված հոդվածում:
Region Monitor-ը ստորև ներկայացնում է հոդվածի հիմնական հատվածը.
«Նա միշտ պարտվող խաղամոլ է: Մոռացել է, որ երիտասարդ տարիներին, երբ 2 մլն դոլար չուներ Ստամբուլի խաղատներում պարտվեց և անգամ Նեջմեդդին Էրբաքանը նրան չօգնեց, այդ Իրանն էր, որ նրան օգնեց:
Կիպրոսում նա խաղամոլության պատճառով ավելի լուրջ խնդիրներ է ունեցել և այդ անգամ էլ Իրանը նրա պարտության պատճառով պատանդ վերցված մարդուն վրացիներից ձեռքից ազատեց և Ալիևին վերադարձրեց: Ալիևների երախտամոռ ընտանիքը մոռացել է, որ եթե Ղարաբաղյան առաջին պատերազմում Իրանի օգնությունը չլիներ Հայաստանը մինչև Բաքու առաջանալու էր և նրանք Թավրիզում էին ապաստանելու ու իրենց համար կոստյում գնելու համար Իրանի կառավարությունից էին միջոցներ ուզելու: Իրանի համբերությունն ու զսպվածությունը պատճառ է դարձել, որ Ալիևն իր չափը չճանաչի:
Եթե Բաքվի բռնապետը սովորական պայմաններում և նախքան ալկոհոլային խմիչքի օգտագործումը համեմատի Բաքվի և Իրանի ռազմական կարողությունը, արագ կհասկանա, որ իր բանակն անգամ մի քանի ժամ չի կարող դիմակայել Իրանի զինված ուժերին:
Ալիևին տապալելու համար Իրանն անգամ հարյուր հազարավոր դոլարներ ծախսելու կարիք չունի և մի քանի ԱԹՍ-ներ ու Ադրբեջանի ճնշված ժողովուրդը բավական են նրան պատմության աղբանոցը նետելու համար»,- նշել է իրանցի փորձագետ Մովահեդիանը:
Հետևեք մեզ տելեգրամում
