Վրաստանի պաշտպանության նախարար Ջուանշեր Բուրճուլաձեն «Rustavi 2» հեռուստաալիքի եթերում խոսել է վրացական ռազմական արտադրանքի արտահանման մասին:
Նախարարն անդրադարձել է ԱԹՍ-ներ արտադրող վրաց-լեհական համատեղ Delta WB ընկերությանը։
Բուրճուլաձեն նշել է, որ ընկերությունը մոտ ժամանակներս կներկայացնի ԱԹՍ-ի փորձնական տարբերակը, որի սերիական արտադրությունը կսկսվի հաջորդ տարվանից։
«Մենք արդեն կանխավճար կտանք և կսկսենք անօդաչու թռչող սարքերի փորձնական արտադրությունը, իսկ մասսայական արտադրությունը կսկսվի հաջորդ տարվանից»,- հայտարարել էր Բուրճուլաձեն։
Հետևեք մեզ տելեգրամում
