Իրանի արտգործնախարարությունը հայտնել է, որ ԱԳ նախարարներ Հոսեյն Աբդոլլահիանը և Ջեյհուն Բայրամովը հեռախոսազրույց են ունեցել, որի ընթացքում քննարկել են երկկողմ հարաբերություններին առնչվող հարցեր:
Զրույցի ընթացքում Իրանի արտգործնախարարը դիվանագիտական և պաշտոնական խողովակաները հակասություններն ու թյուրըմբռնումները վերացնելու լավագույն ուղին է անվանել:
Նշվել է, որ Աբդոլլահիանն ադրբեջանցի իր գործընկերոջը հրավիրել է մասնակցել Թեհրանում 3+3-ի [Ռուսաստան, Իրան, Վարստան, Հայաստան, Թուրքիա, Ադրբեջան] հանդիպմանը, որպես դիվանագիտական ճանապարհով տարածաշրջանային հարցերի կարգավորման մեխանիզմի, հանդիպմանը:
Բայրամովը, մատնանշելով երկու երկրների նախագահների Աստանայի հանդիպումն ու Թեհրանի ու Բաքվի պաշտոնյաների հանդիպումներն ու հեռախոսազրույցները, դրանք դրական է որակել և նշել, որ Ադրբեջանը պատրաստակամ է հարաբերությունների ընդլայնման և թյուրըմբռնումների վերացման հարցում:
Հետևեք մեզ տելեգրամում
