Իրանի արտգործնախարար Հոսեյն Ամիր Աբդոլլահիանը կառավարության նիստում անդրադարձել է միջուկային բանակցությունների շուրջ վերջին զարգացումներին:
Նրա խոսքով՝ Թեհրանը մշտական հաղորդակցության մեջ է ամերիկյան կողմի հետ:
«Ամերիկան կեղծավորաբար է գործում։ Ամերիկյան կողմի հետ անընդհատ հաղորդագրություններ են փոխանակվում։ Մեր վերջին հաղորդագրությունների փոխանակումը տեղի է ունեցել 72 ժամ առաջ»,- Աբդոլլահիանի խոսքերը փոխանցում է ISNA-ն:
Իրանի արտգործնախարարը հավելել է, որ ամերիկյան կողմը շտապում է վերադառնալ միջուկային բանակցություններին:
«Մինչդեռ իր հարցազրույցում Ռոբերտ Մալին [խմբ. Իրանի հարցերով ԱՄՆ հատուկ բանագնաց] կեղծավոր կերպով ասում է, որ բանակցությունները իրենց առաջնահերթությունը չեն, և մատնանշում է ամերկյան աջակցությունը Իրանում տեղի ունեցող անկարգություններին»։
Հետևեք մեզ տելեգրամում
