Այսօր Իրաքի վարչապետ Մուհամմադ Ալ-Սուդանին ժամանել է Թեհրան: Այս մասին տեղեկացնում է INA գործակալությունը:
Իրանի մայրաքաղաք Թեհրանում՝ Սաադաբադի պալատում արդեն մեկնարկել է Ալ-Սուդանիի ընդունման արարողությունը: Նա Թեհրան է ժամանել Իրանի նախագահի պաշտոնական հրավերով: Ալ-Սուդանիին ուղեկցում է Իրաքի արտգործնախարար Ֆուադ Հուսեյնը և այլ բարձրաստիճան պաշտոնյաները:
Հաղորդվում է, որ Թեհրանում Ալ-Սուդանին հանդիպելու է Իրանի հոգևոր առաջնորդ Ալի Խամեյնիի և նախագահ Էբրահիմ Ռայիսիի հետ:
Նշենք, որ օրեր առաջ Իրանը ավիահարվածներ էր հասցրել Իրաքի Քուրդիստանի շրջանին՝ քրդերին մեղադրելով Իրանում բողոքի ցույցեր հրահրելու մեջ: Նման իրավիճակով պայմանավորված՝ Իրաքը որոշում է կայացրել Քուրդիստանի շրջանի և Իրանի սահմանին դաշնային ուժեր վերատեղակայել:
Իր հերթին Իրանի ԱԳՆ մամուլի խոսնակ Նասեր Քանանին ողջունել է Իրաքի այս որոշումը՝ հավելելով, որ պատրաստ է տեխնիկական աջակցություն ցուցաբերել Իրաքի կառավարությանը անհրաժեշտության պարագայում:
Հետևեք մեզ տելեգրամում
