Իրաքի վարչապետ Մուհամմադ Ալ-Սուդանին պաշտոնական այցի շրջանակներում հանդիպել է նաև Իրանի հոգևոր առաջնորդ Ալի Խամենեիի հետ:
Հանդիպման ընթացքում Ալ-Սուդանին շնորհակալություն է հայտնել Իրանին՝ Իրաքին տրամադրած աջակցության համար՝ ընդգծելով ահաբեկչության, ծայրահեղականության և թմրանյութերի դեմ պայքարում համատեղ ջանքերը շարունակելու անհրաժեշտությունը:
Իրաքի վարչապետը նաև հավելել է, որ իր կառավարությունը տնտեսությունը առաջնահերթությունների շարքում է դասել և պատրաստակամություն է հայտնել Իրանի հետ սերտ հարաբերությունները նպաստեն այդ առաջնահերթությունների ամրապնդմանը:
Իր հերթին Իրանի Իսլամական Հանրապետության գերագույն առաջնորդ Ալի Խամենեին շնորհավորել է Ալ-Սուդանիին վարչապետի պարտականությունները ստանձնելու կապակցությամբ:
Ալի Խամենեին ընդգծել է, որ «Իրաքի անվտանգությունը Իսլամական Հանրապետության անվտանգությունն է՝ կոչ անելով Իրաքի ժողովրդին առավել միասնության ու համերաշխության»։
Հետևեք մեզ տելեգրամում
