Մարդու իրավունքների սիրիական դիտարան այսօր հաղորդել է, որ ռուսական զինված ուժերը Հալեպում թուրքական ռազմաբազայի հակառակ հատվածում նոր ռազմաբազա են հիմնել:
Դիտարանը մանրամասնել է, որ իրականացվել են ռազմական համալրումներ՝ այդ թվում տասնյակ զինվորների տեղակայում, հեռահար հրետանու և այլ նյութատեխնիկական այլ միջոցների տեղափոխում:
Ուշագրավ է, որ սա առաջին անգամն է, երբ ռուսական զինված ուժերը տեղակայվում են թուրքական ուժերի հետ շփման գծում։
Դիտարանը տեղեկացրել է, որ Սիրիայի կառավարական ուժերը և իրանամետ խմբավորումները ևս ռազմական համալրումներ են տեղափոխել Հալեպի հյուսիսային շրջաններ՝ թուրքամետ խմբավորումների հետ շփման գծի երկայնքով։
Հիշեցնենք, որ Թուրքիայի իշխանությունները հայտարարել են, որ «Մագիլ-սուր» անվամբ ռազմական գործողություններ են սկսելու Հյուսիսային Իրաքում ու Սիրիայում քուրդ զինյալների դեմ: Ստամբուլում տեղի ունեցած ուժեղ պայթյունից հետո Թուրքիայի իշխանությունները հայտարարեցին, որ տեղի ունեցածի ետևում կանգնած են «Քուրդիստանի բանվորական կուսակցությունը» (ՔԲԿ-PKK) և Սիրիայի քրդական ուժերը, որոնց Անկարան համարում է ահաբեկչական:
Հետևեք մեզ տելեգրամում
