Իրաքի նախագահ Աբդուլ Լատիֆ Ռաշիդը դեկտեմբերի 5-ին ընդունել է ՀՀ արտգործնախարարության պատվիրակությանը` ՀՀ ԱԳ նախարարի տեղակալ Վահե Գևորգյանի գլխավորությամբ: Այս մասին տեղեկացնում է Իրաքի նախագահի գրասենյակը:
Հաղորդվում է, որ նախագահը ողջունել է հայկական պատվիրակությանը՝ հայտնելով, որ Իրաքը հպարտ է Հայաստանի հետ պատմական հարաբերություններով, որոնք երկկողմ և միջազգային մակարդակներում կառուցողական և արդյունավետ համագործակցության են ականատես եղել:
Իրաքի նախագահը ցանկություն է հայտնել ամրապնդել այդ հարաբերությունները՝ մեծացնելով առևտրատնտեսական փոխանակման ծավալները, ինչպես նաև ամրապնդել երկու բարեկամ երկրների միջև հարաբերությունները մշակութային ոլորտում:
Աբդուլ Լատիֆ Ռաշիդը իր ողջույններն է փոխանցելՀ Հ նախագահ Վահագն Խաչատուրյանին՝ մաղթելով նրան հաջողություններ, իսկ Հայաստանի ժողովրդին՝ հետագա բարգավաճում։
Հիշեցնենք, որ հայկական պատվիրակությունը Բաղդադ էր մեկնել «Հնագույն քաղաքակրությունների ֆորումին» մասնակցելու համար:
Հետևեք մեզ տելեգրամում
