Թուրքիայի նախկին վարչապետ և արտգործնախարար, այժմ ընդդիմադիր «Ապագա» կուսակցության առաջնորդ Ահմեդ Դավութօղլուն Yetkin Report-ի հետ զրույցում անդրադարձել է հայ-թուրքական հարաբերությունների կարգավորման գործընթացին:
«Որպես օրինակ կարող եմ բերել Հայաստանի հետ կարգավորումը։ Այժմ Հայաստանի հետ կարգավորման գործընթաց վարելու ճիշտ ժամանակն է։ Պայմանները հարմար են, որպեսզի Թուրքիան կարողանա ստանալ այն, ինչ ցանկանում է: Հայաստանն ունի քաղաքական և տնտեսական խնդիրներ»,-շեշտել է Դավութօղլուն։
Վերջինս նշել է, որ «Ադրբեջանը Թուրքիայի աջակցությամբ ետ է վերադարձրել, այսպես կոչված «հողերը»։
Հիշեցնենք, որ ավելի վաղ Դավութօղլուն նույնպես անդրադարձել էր հայ-թուրքական հարաբերությունների կարգավորմանը, պնդելով թե «այժմ ճիշտ ժամանակն է»:
Հետևեք մեզ տելեգրամում
