Էրդողանն ու Պուտինը հեռախոսազրույց են ունեցել

Երեկ հեռախոսազրույց են ունեցել Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը։

Զրուցակիցները քննարկել են երկկողմ հարաբերություններն ու տարածաշրջանային մի շարք հարցեր:

Էրդողանը նշել է, որ համատեղ ջանքերով կարողացել են կարիքավորներին ապահովել ավելի քան 13 միլիոն տոննա հացահատիկով։ Նրա խոսքով՝ հացահատիկային միջանցքի շրջանակներում կարող են աշխատանքներ սկսել պարենային և աստիճանաբար նաև այլ ապրանքների արտահանման ուղղությամբ։

Անդրադառնալով Սիրիայի հյուսիսում քրդական զինված ուժերի «անջատողական գործունեությանը»՝ Էրդողանը հայտարարել է, որ առաջնահերթ է թուրք-սիրիակսն սահմանի երկայնքով առնվազն 30 կիլոմետր խորությամբ ահաբեկիչների մաքրումը»։