Իսրայելի վարչապետի թեկնածու Բենիամին Նեթանյահուն հայտարարել է, որ նոր կառավարություն ձևավորելու համար համաձայնություն է ձեռք բերել կրոնական և ծայրահեղ աջ քաղաքական ուժերի հետ:
Կառավարությու ձևավորելու համար բանակցությունների ավարտի վերջնաժամկետ էր նշանակվել դեկտեմբերի 21-ի կեսգիշերը: Նեթանյահուն հեռախոսազրույց է ունեցել Իսրայելի նախագահ Իցխակ Հերցոգի հետ և հայտնել, որ «կարողացել է կառավարություն ստեղծել»:
Դեռևս հստակ չէ, թե երբ է տեղի ունենալու նոր կառավարության երդման արարողությունը: Սակայն Նեթանյահուն ասել է, որ մտադիր է այն «որքան հնարավոր է շուտ անել»:
Ավելի վաղ տեղեկացրել էինք, որ արդեն պայմանավորվածություններ են ձեռք բերվել պաշտոնների ստանձնման առնչությամբ: Կարևոր պաշտոնները տրվելու են ծայրահեղ աջ «Կրոնական սիոնիզմ» կուսակցությունից Բեն- Գվիրին և Բեզալել Սմոտրիչին: Այս երկու գործիչները դեմ են գործել պաղեստինյան պետականության դեմ և կողմ են եղել հրեական բնակավայրերի ընդլայմանն Արևելյան ափում:
Հիշեցնենք, որ նոյեմբերի 1-ին Իսրայելում կայացան խորհդրանական ընտրություններ, որտեղ հաղթանակ տարավ Նեթանյահուի «Լիկուդ» կուսակցությունը: Սակայն 120 հոգանոց խորհրդարանում մեծամասնություն կազմելու համար Նեթանյահուն պետք ա համաձայնության գար ծայրահեղ աջ կուսակցությունների հետ:
Փաստացի այս կառավարությունը դառնալու է Իսրայելի պատմության ամենաաջակողմյան կառավարությունը:
Հետևեք մեզ տելեգրամում
