Իսրայելի վարչապետի թեկնածու Բենյամին Նեթանյահուն ավելի է մոտենում նոր կառավարության ստեղծմանն այն բանից հետո, երբ խորհրդարանը հավանություն տվեց օրենսդրական փոփոխություններին:
Դրանցից մեկը հնարավորություն է տալու «Կրոնական սիոնիստական կուսակցությանը» զբաղեցնել պաշտպանության փոխնախարարի պաշտոնը: Արաբական ԶԼՄ-ները պնդում են, որ այս նշանակումը լայն լիազորություններ է տալու Արևմտյան ափում հրեական բնակավայրերի ընդլայնման գործընթացին:
Իսկ երկրորդ փոփոխությունը թույլ է տալու ծայրահեղ ուղղափառ «Շաս» կուսակցության առաջնորդ Արյեհ Դերիին զբաղեցնելու է ֆինանսների նախարարի պաշտոնը: Նա պաշտոնին նշանակվելու է երկու տարի անց՝ փոխարինելով Բեզալել Սմոտրիչին: Վերջինս «Կրոնական սիոնիստական կուսակցության» առաջնորդն է: Իսկ Իթամար Բեն-Գվիրը նշանակվելու է ազգային անվտանգության նախարար: Նրա՝ «Հրեական հզորություն» աջակողմյան կուսակցությունը հայտնի է հակաարաբական գաղափարներով:
Ակնկալվում է, որ Նեթանյահուի կառավարության երդմնակալության արարողությունը կայանալու է դեկտեմբերի 29-ին:
Նշենք, որ 73-ամյա Նեթանյահուն ավելի վաղ զբաղեցրել է վարչապետի պաշտոնը 1996-1999թթ.-ին և 2009-2021թթ.-ին:
Հետևեք մեզ տելեգրամում
