Իսրայելի Ազգային անվտանգության նորանշանակ նախարար Իթամար Բեն-Գվիրը հրահանգել է ոստիկանությանը հեռացնել Պաղեստինի դրոշը հանրային բոլոր վայրերից: Նորանշանակ նախարարը Պաղեստինի դրոշի ծածանումը «ահաբեկչության» դրսևորում է որակել:
Ինչպես փոխանցում է Aljazeera-ն, Իսրայելի օրենքը չի արգելում Պաղեստինի դրոշի ծածանումը, մինչդեռ ոստիկաններն ու զինվորականները լիազորված են հեռացնել այն, եթե հանրային կարգին վտանգ է սպառնում:
Հատկանշական է, որ այս որոշմանը նախորդել էին Թել Ավիվում կազմակերպված հակակառավարական զանգվածային ցույցերը: Ցուցարարները ծածանում էին Պաղեստինի դրոշը՝ հանդես գալով պաղեստինցիների և իսրայելցիների միջև հավասարության և համակեցության օգտին: Ցուցարարները վարչապետ Բենիամին Նեթանյահուին և նոր կառավարության որակել էին «ֆաշիստ»:
Հարկ է նշել, որ ըստ արաբական ԶԼՄ-ների՝ Իթամար Բեն-Գվիրը հայտնի է եղել ծայրահեղ գաղափարներով՝ գործելով ընդդեմ Պաղեստինի և Արևմտյան ափում հրեական բնակավայրերի ընդլայնման օգտին:
Հետևեք մեզ տելեգրամում
