Անթալիայում անցկացվող Ասիայի խորհրդարանական վեհաժողովի շրջանակներում կայացել է Թուրքիայի, Ադրբեջանի և Իրանի խորհրդարանի ղեկավարների՝ համապատասխանաբար Մ․ Շենթոփի, Ս․ Գաֆարովայի և Մ․ Բ․ Ղալիբաֆի եռակողմ հանդիպումը։
Ինչպես հաղորդում են իրանական ԶԼՄ-ները, եռակողմ հանդիպմանը քննարկվել են տնտեսական և քաղաքական հարաբերությունների խորացմանը, ինչպես նաև տարածաշրջանային խնդիրների լուծմանն առնչվող հարցեր:
Ասիայի խորհրդարանական վեհաժողովի շրջանակներում երկկողմ հանդիպում է նաև կայացել Ադրբեջանի և Իրանի խորհրդարանների նախագահների միջև:
Մատնանշելով քաղաքական, տնտեսական, խորհրդարանական ոլորտներում Իրան-Ադրբեջան հարաբերությունների կարևորությունը՝ Իրանի խորհրդարանի նախագահ Մոհամմադ Ղալիբաֆը նշել է.
«Որքան տարածաշրջանի երկրները միմյանց մոտ լինեն, այնքան տարածաշրջանի օգտին է դա, և չպետք է թույլ, որ արտատարածաշրջանային ուժերը միջամտեն: Սահմաններում աշխարհաքաղաքական ոչ մի փոփոխություն մենք չենք ընդունում: Ադրբեջանի հետ հարաբերությունների զարգացման հարցում էլ հստակ դիրքորոշում ունենք և պատրաստ ենք զարգացնել առևտրային և տարանցիկ փոխգործակցությունը»:
Գաֆարովան իր հերթին նշել է, որ թեև երկկողմ համագործակցության համար առկա են շատ ոլորտներ, սակայն կան տարբեր հարցեր կան, որ ազդում են Իրանի ու Ադրբեջանի հարաբերությունների վրա:
Հետևեք մեզ տելեգրամում
