Սաուդյան Արաբիան հայտնաբերել է զգալի քանակությամբ ուրան և այն կօգտագործի միջուկային էներգիայի արդյունաբերության զարգացման համար: Ինչպես փոխանցում է ARABNEWS-ը, այս մասին հայտարարել է Սաուդյան Արաբիայի էներգետիկայի նախարար Աբդուլազիզ բն Սալմանը:
Սալմանի խոսքով՝ Սաուդյան Արաբիան ցանկանում է օգտագործել ուրանը էներգետիկ դիվերսիֆիկացման համար:
«Սաուդյան Արաբիան մտադիր է օգտագործել ուրանի ռեսուրսները՝ այդ թվում պատրաստակամ գործընկերների հետ համատեղ ձեռնարկություններում՝ միջազգային պարտավորություններին և թափանցիկության չափանիշներին համապատասխան», – ասել է նախարարը:
Սալմանը նշել է, որ թագավորությունը ձգտում է համաշխարհային առաջատար դառնալ հանքարդյունաբերության ոլորտում՝ ամրապնդելով երկրի վճռականությունը վերականգնվող էներգիա զարգացնելու համար:
Նշենք, որ արաբական աշխարհի միակ գործող ատոմային էներգիայի բազմաբլոկ կայանը պատկանում է ԱՄԷ-ին: Այն պարտավորվել է ուրան չհարստացնել և չվերամշակել օգտագործված վառելիքը։
Հետևեք մեզ տելեգրամում
