Իրանը պատրաստ է կարմիր գծերի պահպանման շրջանակներում շարունակել Միջուկային համաձայնագրի վերականգնման բանակցությունները: Այս մասին հայտարարել է Իրանի արտգործնախարար Ամիր Աբդոլլահիանը Իրաքի գործընկերոջ հետ մամուլի ասուլի ժամանակ:
Աբդոլլահիանը հավելել է, որ եթե ԱՄՆ-ն այլ ուղի ընտրի, ապա Իրանն էլ պատրաստ է անցնել Պլան-Բ-ին:
Իրանի արտգործնախարարը շեշտել է, որ Թեհրանը միջուկային զենքի չի ձգտել, չի ձգտում և չի ձգտելու: Նա ավելացրել է, որ առաջիկա օրերին ԱԷՄԳ-ի ղեկավար Ռաֆայել Գրոսին Իրան կայցելի:
Աբդոլլահիանը նաև իրաքյան կողմին շնորհակալություն է հայտնել Իրան-Սաուդյան Արաբիա, Իրան-Եգիպտոս երկխոսություններին նպաստելու համար:
Իր հերթին Իրաքի արտգործնախարար Ֆուադ Հուսեյնը շեշտել է, որ Իրաքի սահմանադրությունը թույլ չի տալիս Իրաքի տարածքից հարձակվել հարևան երկրների վրա: Նրա խոսքով՝ քայլեր են ձեռնարկվում Իրանի հետ սահմանների անվտանգությունն ամարպնդելու ուղղությամբ:
Հետևեք մեզ տելեգրամում
