Հայաստանի արտաքին գործերի նախարար Արարատ Միրզոյանի գլխավորած պատվիրակությունը ժամանել է Սիրիա:
Դամասկոսի օդանավակայանում Արարատ Միրզոյանին դիմավորել է Սիրիայի ԱԳ նախարար Ֆեյսալ Ալ-Միկդադը:
«Նախարար Միրզոյանի այցը տեղի է ունենում ճիշտ ժամանակին և արտահայտում է երկու երկրների պատմական և ամուր հարաբերությունները»,- Միրզոյանին դիմավորելիս ասել է Սիրիայի արտգործնախարարը:
Նա շնորհակալություն է հայտնել Հայաստանին այս դժվարին պայմաններում սիրիացի ժողովրդին զորակցելու համար:
Հաղորդվում է, որ այս պահին ընթանում է Հայաստանի և Սիրիայի ԱԳ նախարարների առանձնազրույցը:
Նշենք, որ Արարատ Միրզոյանը Դամասկոսում կհանդիպի նաև Սիրիայի նախագահ Բաշար Ասադի հետ, որից հետ կմեկնի Հալեպ: Միրզոյանը Սիրիա է ժամանել ավերիչ երկրաշարժից հետո մարդասիրական օգնության երրորդ խմբաքանակը տեղ հասցնելու նպատակով:
Հետևեք մեզ տելեգրամում
