ԱՄՆ զինված ուժերը ոչնչացրել են «Իսլամական պետություն» ահաբեկչական կազմակերպության առաջնորդներից մեկին: Այս մասին հաղորդագրություն է տարածել ԱՄՆ Կենտրոնական հրամանատարությունը (CENTCOM):
Համաձայն հաղորդագրության՝ Աբդ ալ-Հադի Մահմուդ ալ-Հաջի Ալի անվանումը կրող առաջնորդը ոչնչացվել է Սիրիայում՝ երեկ երեկոյան ԱՄՆ զինված ուժերի իրականացրած «միակողմանի ուղղաթիռի գրոհի» արդյունքում: Ահաբեկչական կազմակերպության ևս երկու անդամներ սպանվել են:
Նշվել է նաև, որ սպանված առաջնորդը պատասխանատու էր «Մերձավոր Արևելքում և Եվրոպայում ահաբեկչական հարձակումներ ծրագրելու համար»:
CENTCOM-ը հայտնել է, որ ռազմական գործողությունն իրականացվել է այն բանից հետո, երբ հետախուզությունը ցույց է տվել, որ ԻՊ-ը ծրագրում էր առևանգել ԱՄՆ պաշտոնյաների: Ռազմական գործողության վերաբերյալ այլ մանրամասներ չի ներկայացվել։
Հետևեք մեզ տելեգրամում
