ՌԴ-ի կառավարությունը կարգադրել Է ժամանակավորապես դադարեցնել Ռուսաստանի սահմանով Իրանի քաղաքացիների անցումը՝ ՌԴ-ի քաղաքացիների ավտանգության ապահովման և կորոնավիրուսային վարակի տարածումից պաշտպանության նպատակով: Համապատասխան փաստաթուղթը հրապարակված Է նախարարների կաբինետի կայքում:
«2020 թվականի փետրվարի 28-ի Մոսկվայի ժամանակով 00 ժամ 00 րոպեից Ռուսաստանի Անվտանգության դաշնային ծառայությունը ժամանակավորապես դադարեցնում Է Իրանի Իսլամական Հանրապետության քաղաքացիների անցումը Ռուսաստանի Դաշնության պետական սահմանով, որոնք ՌԴ տարածք են ժամանում ուսումնառության և աշխատանքային գործունեություն իրականացնելու նպատակով, ինչպես նաև մասնավոր, տուրիստական և տարանցման նպատակներով»,- ասված Է հաղորդագրության մեջ:
Բացի այդ, Ռուսաստանի ներքին գործերի նախարարությանը հանձնարարված Է ժամանակավորապես դադարեցնել ուսումնառության և աշխատանքային գործունեության իրականացման նպատակով ՌԴ մուտքի հրավերների փաստաթղթերի ընդունումը, ձևակերպումը և հանձնումը:
Հետևեք մեզ տելեգրամում
