Վրացական «Տրիբունա» կուսակցության անդամ Լաշա Արսենիձեն կանչվել է Վրաստանի ՆԳՆ՝ սոցիալական ցանցում Վրաստանում ապրող էթնիկ փոքրամասնության [խմբ.՝ հայերի] վերաբերյալ վիրավորական և հայհոյախառն բովանդակությամբ հայտարարություններ անելու առնչությամբ։
Դեպքի առնչությամբ խուլիգանության փաստով վարույթ է սկսել՝ համաձայն Վրաստանի ՆԳՆ-ն քրեական օրենսգրքի 166-րդ հոդվածի։ Նյութերն ուղարկվել են դատարան, որտեղ պետք է որոշվի, թե ինչ տուգանք է կիրառվելու Լաշա Արսենիձեի նկատմամբ։
ՆԳՆ մուտքի դիմաց լրագրողների հետ զրույցում Արսենիձեն նշել է, որ իրեն մեղավոր չի ճանաչում:
«Ես պայքարում եմ Վրաստանի համար։ Այն ազգերը, որոնք ապրում են Վրաստանում և սրում են ներքաղաքական իրավիճակը, ես այդ տեսանյութը տեղադրել եմ այս պատրվակով: Նկատի ունեմ այն հայերին, որոնք ապրում են Վրաստանում»,- հավելել է Արսենիձեն:
Հետևեք մեզ տելեգրամում
