Այսօր Կատարի մայրաքաղաք Դոհայում էմիր շեյխ Թամիմ բին Համադ Ալ-Թանին ընդունել է ՀՀ նախագահ Վահագն Խաչատուրյանին:
Հանդիպման ընթացքում զրուցակիցները քննարկել են երկու երկրների միջև համագործակցային հարաբերությունները, դրանք ընդլայնելու ուղիները, ինչպես նաև կարծիքներ են փոխանակել ֆորումի օրակարգի կարևորագույն թեմաների շուրջ:
Նշենք, որ այս հանդիպումը կայացել է «Կատարի տնտեսական ֆորում 2023»-ի շրջանակներում: Այսօր առավոտյան տեղի էր ունեցել ֆորումի բացման արարողությունը, որին ելույթով հանդես էր եկել կատարի վարչապետ և արտգործնախարար Մուհամմադ բին Աբդուլռահման բին Ջասիմ Ալ-Թանին:
Հետևեք մեզ տելեգրամում
