7-ամյա դադարից հետո Իրանը վերաբացելու է Սաուդյան Արաբիայում իր դեսպանատունը:
Ինչպես գրում է Al Arabiya-ն, Իրանի դիվանագիտական առաքելությունը կղեկավարի Ալիռեզա Էնայաթին: Նա նախկինում Քուվեյթում Իրանի դեսպան է եղել:
Իրանի ԱԳՆ խոսնակ Նասեր Քանանիի խոսքով՝ Ռիադում Իրանի դեսպանատունը, Ջիդդայում՝ հյուպատոսությունը և Իսլամական համագործակցության կազմակերպությունում (ԻՀԿ) Իրանի ներկայացուցչությունը պաշտոնապես կվերաբացվեն երեքշաբթի և չորեքշաբթի օրերին:
Al Arabiya-ն, վկայակոչելով դիվանագիտական աղբյուրներին, հայտնել է, որ դեսպանատան «բացումը կկայանա երեքշաբթի տեղական ժամանակով ժամը 18:00-ին՝ Սաուդյան Արաբիայում Իրանի նորանշանակ դեսպանի ներկայությամբ»:
Կայքը նշել է, որ Սաուդյան Արաբիան դեռևս ժամկետներ չի նշել Թեհրանում իր դեսպանատան բացման կամ դեսպանի ընտրության վերաբերյալ:
Հետևեք մեզ տելեգրամում
