ՆԱՏՕ-ի, Իսրայելի, Ադրբեջանի ու Թուրքիայի մասնակցությամբ Իրանի դեմ դաշինք է ձևավորվել տարածաշրջանում: Նման տեսակետ է հայտնել միջազգային հարցերով փորձագետ Էհսան Մովահեդիանը՝ իրանական «Շարղ» օրաթերթի հետ զրույցում:
Փորձագետն ընդգծել է, որ արցախյան 44-օրյա պատերազմից հետո Ադրբեջանը փորձելու է գրավել Սյունիքը: Նրա խոսքով՝ Իրանը ժամանակին կարող էր ճանաչել Արցախի ինքնավարությունը, սակայն լռել է, ինչից օգտվել են այլ դերակատարներ:
Մովահեդիանն անդրադարձել է նաև Իրանի և Ադրբեջանի միջև առկա լարվածությանը: Ըստ նրա՝ Հարավային Կովկասի, այդ թվում՝ Ադրբեջանի հարցում Իրանը հստակ ռազմավարություն չունի և Բաքվի հակաիրանական գործողություններին արժանավույնս չի պատասխանում:
Մովահեդիանը շեշտել է, որ Իրանի քաղաքական համակարգում Բաքվի լոբբին մեծ ազդեցություն ունի, և դա է նաև պատճառը, որ Իրանից Ադրբեջանի գործողություններին շատ կոշտ չեն արձագանքում:
Հետևեք մեզ տելեգրամում
