ԱՄԷ նախագահ շեյխ Մուհամմադ բին Զայեդն Աբու Դաբիում ընդունել է Իրանի արտգործնախարար Հոսեյն Ամիր Աբդոլլահիանին: Տեղեկությունը հայտնում է էմիրաթական պետական WAM լրատվամիջոցը:
Շեյխ Մուհամմադը և Աբդոլլահիանը քննարկել են ԱՄԷ-ի և Իրանի միջև երկկողմ հարաբերությունները, ինչպես նաև «տարածաշրջանում ձեռք բերված դրական զարգացումների վրա հիմնվելու կարևորությունը»:
Իր հերթին Իրանի պետական IRNA լրատվական գործակալությունը հայտնել է, որ Աբդոլլահիանն Իրանի նախագահ Էբրահիմ Ռայիսիի անունից հրավեր է ուղարկել ԱՄԷ նախագահ Մուհամմադ բին Զայեդին՝ Իրան այցելելու համար:
Շեյխ Մուհամմադը ողջունել է հրավերը և իր հերթին Իրանի նախագահին հրավիրել է այցելել ԱՄԷ:
Այցի ընթացքում Իրանն ու ԱՄԷ-ն ստորագրել են համաձայնագիր, որն ուղղված է երկու երկրների միջև օդային տրանսպորտի ծառայությունների ընդլայնմանը և առևտրի ու զբոսաշրջության հնարավորության մեծացմանը։
Նշենք, որ Իրանի նախագահն ԱՄԷ է ժամանել պարսիցծոցյան այցի շրջանակներում: Իրանի արտգործնախարարը այցելել էր նաև Օման, Քուվեյթ և Կատար:
Հետևեք մեզ տելեգրամում
