Իրանի և Ադրբեջանի ԱԳ նախարարներ Հոսեյն Ամիր Աբդոլլահիանը և Ջեյհուն Բայրամովը հեռախոսազրույց են ունեցել, քննարկել երկկողմ հարաբերությունների վերջին զարգացումները։ Տեղեկությունը փոխանցում է Իրանի ԱԳՆ-ը:
Անդրադառնալով տարածաշրջանային և միջազգային կարևոր զարգացումներին՝ Աբդոլլահիանն ընդգծել է կողմերի միջև շարունակական խորհրդակցությունների կարևորությունը։
Նա հավելել է, որ Իրանի և Ադրբեջանի հարաբերություններն այնպիսին են, որ կարելի է լուծել հարաբերություններում առկա հարցերն ու խնդիրները և վերադառնալ ճիշտ ուղու։
Հեռախոսազրույցի ընթացքում Բայրամովը բարձր է գնահատել Իրանի ԱԳ նախարարի կառուցողական ջանքերը լարվածության հանգուցալուծման ուղղությամբ։ Ընդգծելով տարբեր ոլորտներում կողմերի անմիջական շփումների կարևորությունը՝ նա հույս է հայտնել, որ առաջիկայում հարաբերությունները և մնացած որոշ հարցեր կլուծվեն։
Զրույցի ընթացքում կողմերը քննարկել և մտքեր են փոխանակել նաև երկկողմ հետաքրքրություն ներկայացնող այլ թեմաների շուրջ, այդ թվում՝ Հյուսիս-Հարավ միջանցքի նախագիծը, տարածաշրջանային և միջազգային կազմակերպությունների շրջանակում երկու երկրների հետագա համագործակցության ծրագրերը։
Հետևեք մեզ տելեգրամում
