Իսրայելի արտգործնախարար Էլի Կոհենը «շատ լավատես է», որ մինչև 2024 թվականի մարտը Սաուդյան Արաբիայի հետ հարաբերությունները կկարգավորվեն:
«Իսրայելը շահագրգռված է Սաուդյան Արաբիայի հետ խաղաղության համաձայնագրի առաջմղմամբ»,- Կոհենի խոսքերը մեջբերել է The Jerusalem Post-ը։
Իսրայելի արտգործնախարարի խոսքով՝ խաղաղության համաձայնագիրը «հնարավոր» է, քանի որ «սաուդցիները նույնպես շահագրգռված են դրանով»:
Կոհենը հավելել է, որ երկկողմ հարաբերությունների կարգավորման շուրջ բանակցությունները մի քանի ուղիներով են ընթանում, որոնցից առաջնայինը ԱՄՆ նախագահ Բայդենի վարչակազմի միջոցով է անցկացվում:
Ըստ Իսրայելի ԱԳ նախարարի՝ Սաուդյան Արաբիայի հետ համաձայնագիրն արաբական այլ պետություններ ևս կներառի, սակայն չի օգտագործվի «Աբրահամյան համաձայնագրեր» անվանումը, ինչպես դա տեցի ունեցավ Իսրայելի և ԱՄԷ-ի ու Բահրեյնի միջև հարաբերությունների հաստատման ժամանակ:
Հետևեք մեզ տելեգրամում
