Իրանը դեմ չէ տրանսպորտային ուղիների բացմանը Կովկասում, սակայն դեմ է «կեղծ Զանգեզուրի միջանցքին» կամ «ՆԱՏՕ-ի Թուրանի միջանցքին»։ Նման տեսակետ է ներկայացրել Կովկասի հարցերով իրանցի փորձագետ Ահմադ Քազեմն՝ անդրադառնալով «Զանգեզուրի միջանցքի» խնդրին:
Քազեմի խոսքով՝ ի տարբերություն Էրդողանի պնդման, Իրանը դեմ չէ տարանցիկ կապերին և նորմալ տրանսպորտային ուղիների բացմանը Կովկասում, այդ թվում՝ Ադրբեջանի և Հայաստանի, Ռուսաստանի և Վրաստանի միջև, սակայն դեմ է «ՆԱՏՕ-ի Թուրանի միջանցքին»։
Ըստ փոձագետի՝ Ռուսաստանը, ինչպես պատմական անցյալում, այնպես էլ այժմ, դեմ է եղել և դեմ է Թուրքիայի ուղիղ կապին Ադրբեջանի հետ և պանթուրանիզմի երազանքի իրականացմանը։ Քազեմի դիտարկմամբ՝ «Զանգեզուրի միջանցքի» ստեղծումով Էրդողանը ցանկանում է լուծել իր արտաքին և ներքին քաղաքական խնդիրները և վերջապես կապ հաստատել թյուրքական աշխարհի հետ, սակայն Իրանը, Ռուսաստանը, և Չինաստանը գիտակցում են տարբերությունը տարանցիկ միջանցքի և «ՆԱՏՕ-ի Թուրանի միջանցքի» միջև։
Հեղինակը հոդվածում անդրադարձ է կատարել Թուրքիայի նախագահի՝ վերջերս Արդբեջան կատարած այցին: Ըստ նրա՝ Էրդողանը գնացել էր Բաքու՝ շնորհակալություն հայտնելու Ալիևների ընտանիքին այն միլիոնավոր դոլարների համար, որոնք նրանք ծախսել են ադրբեջանական ժողովրդի գրպանից՝ «Թուրքիայի նախագծված նախագահական ընտրություններում» հաղթելու համար: Այցի նպատակներից էր հավաստիացնել, որ Թուրքիան աջակցում է «կեղծ Զանգեզուրի միջանցքին» կամ նույն «ՆԱՏՕ-ի Թուրանի միջանցքին»։
«Էրդողանն հայտնել է, որ Զանգեզուրի միջանցքի հետ կապված խնդիրներ չկան Հայաստանի հետ, այլ խնդիրն Իրանն է, և որպես այդ պնդման ապացույց նշել է Փաշինյանի ներկայությունը Թուրքիայի նախագահի երդմնակալության արարողությանը: Սակայն, փաստն այն է, որ Փաշինյանը ողջունում է Ադրբեջանի և Նախիջևանի միջև բնականոն կապի գծերի բացումը Մոսկվայի եռակողմ համաձայնագրի համաձայն՝ Երևանի ինքնիշխանության պայմանով, քանի որ ցանկանում է օգտագործել երկաթուղային գիծը տնտեսական օգուտներ քաղելու համար»,- շեշտել է փորձագետը:
Հետևեք մեզ տելեգրամում
