Թուրքիայի նախագահ Ռեջեփ Թայիփ Էրդողանը Վլադիմիր Պուտինի հետ ծրագրվող բանակցությունների ընթացքում մտադիր է առաջարկել վերսկսել Ուկրաինայի հարցով խաղաղ բանակցությունները ՝ շուտափույթ հրադադարի հասնելու համար: Այս մասին «Ռիա Նովոստի»-ին հայտնել է Թուրքիայի նախագահի աշխատակազմի աղբյուրը:
Ինչպես ավելի վաղ հայտնել էին Կրեմլում, Պուտինն ու Էրդողանը պայմանավորվել են մոտ ժամանակներս հստակ որոշել հանդիպման վայրն ու ժամկետը: Բանակցությունների օրակարգում են երկկողմ հարաբերությունները, Ուկրաինան և հացահատիկի գործարքը:
«Էրդողանն իր միջնորդությունը կառաջարկի հակամարտության կարգավորման հարցում, կրկին կկրկնի այն թեզը, որ պատերազմում հաղթողներ չեն լինելու, իսկ խաղաղ գործընթացում ՝ պարտվողներ», – հայտարարել Է աղբյուրը:
Թուրքական Hürriyet թերթի սյունակագիրներից Աբդուլքադիր Սելվին, որը հայտնի է Թուրքիայի իշխանությունների հետ իր կապերով, այսօրվա սյունակում գրել է, որ սպասվում է, որ ՌԴ նախագահ Պուտինը Թուրքիայում կլինի օգոստոս ամսվա վերջին շաբաթվա ընթացքում։
Նրա փոխանցմամբ՝ Պուտին-Էրդողան հանդիպման սեղանին է լինելու հացահատիկային միջանցքի հարցը, երկկողմ առևտրային հարաբերությունները, «Զանգեզուրի միջանցքը» և Թուրքիա-Ադրբեջան-Հայաստան հարաբերությունները, Սիրիայի հարցը։
Հետևեք մեզ տելեգրամում
