Չնայած պաշտոնական արձագանքի բացակայությանը՝ Թեհրանը բազմիցս հայտնել է, որ դեմ է «Զանգեզուրի միջանցքին»: Այս մասին գրում է իրանական ISNA լրատվական գործակալությունն՝ անդրադառնալով «Զանգեզուրի միջանցքի» մասին Էրդողանի հայտարարությանը:
Թեմայի շուրջ լրատվամիջոցը հարցազրույց է անցկացրել Կովկասի հարցերով փորձագետներ Բորհան Հեշմաթիի և Մոհամմադ Ռեզա Դամավանդիի հետ:
Հեշմաթին ընդգծել է, որ Էրդողանի հայտարարությունը Հայաստանին համոզելու ու ճնշելու նպատակ է հետապնդել:
«Այն, որ Էրդողանը խոսում է Իրանի կողմից դրական ազդակներից, այդ ազդակները միշտ են եղել, քանի որ Ադրբեջանի ու Նախիջևանի միջև կապը Իրանով է ապահովվել: Էրդողանը չպետք է փորձի այս հարցն օգտագործել որպես Զանգեզուրի միջանցքը բացելու հնարք»,- նշել է փորձագետը:
Դամավանդին ևս շեշտել է, որ Էրդողանի հայտարարությունը քաղաքական խաղ է:
Հետևեք մեզ տելեգրամում
