Ադրբեջանի հետ վերջերս ձեռք բերված պայմանավորվածությունը Արասի միջանցքին էր առնչվում: Մենք այն անվանում ենք Արասի միջանցք: Այս մասին հայտարարել է Իրանի ճանապարհների ու քաղաքաշինության նախարար Մեհրդադ Բազրփաշը՝ պատասխանելով «Զանգեզուրի միջանցքի» մասին Էրդողանի հայտարարության վերաբերյալ հայ լրագրողի հարցին:
«Մենք ի սկզբանե դեմ ենք արտահայտվել «Զանգեզուրի միջանցքին» և Ադրբեջանի տարբեր պաշտոնյաների հետ հանդիպումներում բազմիցս ասել ենք այդ մասին»,- շարունակել է իրանցի պաշտոնյան:
Իրանցի պաշտոնյան հավելել է, որ պաշտոնական Թեհրանը մշտապես աջակցել է ՀՀ տարածքային ամբողջականությանը և կշարունակի այդ քաղաքականությունը:
«Հայաստանի ու Իրանի, ինչպես նաև այլ երկրների միջև զարգացող ենթակառուցվածքները ուղղված են կայուն խաղաղությանը և կարող են ավելի մերձեցնել տարածաշրջանի երկրներին»,- ասել է նա:
Հետևեք մեզ տելեգրամում
