Մեր գնահատականն այն է, որ Պաղեստինում և տարածաշրջանում դիմադրության ուժերը կարող են որոշել այս պատերազմի ճակատագիրը։ Այս մասին հայտարարել է Իրանի արտգործնախարար Ամիր Աբդոլլահիանը CBC լրատվամիջոցին տված հարցազրույցում՝ պատասխանելով այն հարցին, թե արդյոք Իրանը կներքաշվի Գազայի պատերազմին:
«Իհարկե, օկուպացիայի դեմ պայքարում մենք շարունակում ենք քաղաքական աջակցություն ցուցաբերել Դիմադրությանը»,- արտգործնախարարի խոսքերը մեջբերում է IRNA լրատվամիջոցը:
Աբդոլլահիանը հիշեցրել է,որ պաշտոնական Թեհրանը դեռևս չորս շաբաթ առաջ է զգուշացրել՝ եթե Գազայում «պատերազմն ու ցեղասպանությունը շարունակվեն, ապա պատերազմի շրջանակների ընդլայնումն անխուսափելի է»։
«Հիմա դա տեղի է ունեցել տարածաշրջանում։ Ինչպես ասում եք՝ Լիբանանը, Իրաքը, Սիրիան, Եմենը պատերազմի մեջ են մտել։ Սա ցույց է տալիս, որ պատերազմը տարածվել է, բայց թե Իրանը ինչպես կվարվի, մենք յուրաքանչյուր հարց կորոշենք իր ժամանակին»,- շեշտել է Իրանի արտգործնախարարը:
Հետևեք մեզ տելեգրամում
