Վրաստանի և Ադրբեջանի պաշտպանության նախարարներ Ջուանշեր Բուրչուլաձեն և Զաքիր Հասանովը ստորագրել են գերատեսչությունների միջև 2024 թվականի երկկողմ ռազմական համագործակցության պլանը:
Փաստաթուղթը ստորագրվել է Բաքվում, ուր Բուրչուլաձեն ժամանել է` մասնակցելու Վրաստանի, Թուրքիայի և Ադրբեջանի պաշտպանության նախարարների մասնակցությամբ եռակողմ 10-րդ նախարարական հանդիպմանը:
Մինչ այդ վրացի նախարարը բանակցություններ է վարել նաև թուրք գործընկերոջ հետ։
Հիշեցնենք, որ Բաքվում ընթանում է Ադրբեջանի Հանրապետության պաշտպանության նախարար Զաքիր Հասանովի, Թուրքիայի Հանրապետության ազգային պաշտպանության նախարար Յաշար Գյուլերի և Վրաստանի պաշտպանության նախարար Ջուանշեր Բուրչուլաձեի եռակողմ ձևաչափով 10-րդ հանդիպումը:
Հետևեք մեզ տելեգրամում
