Եվրամիությունը որոշել է ավելացնել Հայաստանում դիտորդական առաքելության դիտորդների թիվը՝ 138-ից հասցնելով 209-ի։ Այդ մասին դեկտեմբերի 11-ին Եվրամիության արտգործնախարարների հանդիպումից հետո հայտարարել է ԵՄ արտաքին գործերի և անվտանգության հարցերով բարձր ներկայացուցիչ Ժոզեպ Բորելը։
«Մենք ներկայումս աշխատում ենք Հայաստանի հետ մեր հարաբերությունների ամրապնդման ուղղությամբ։ Որպես այս համագործակցության առաջին քայլ՝ այսօր ԵՄ խորհուրդը որոշել է ուժեղացնել մեր առաքելությունը Հայաստանում՝ ավելացնելով տեղում մեր ներկայությունը՝ 138-ից հասցնելով 209-ի: Սա միջոց է բարձրացնելու Հայաստանի և Ադրբեջանի միջազգային սահմանի կայունությունը։ Մենք կարծում ենք, որ տարածաշրջանում խաղաղության հասնելու պատմական հնարավորություն կա։ Մենք հանձնառու ենք շարունակել մեր աջակցությունը այս ջանքերին` համատեղ աշխատելով թե՛ Հայաստանի, թե՛ Ադրբեջանի հետ»,- նշել է Բորելը:
Հետևեք մեզ տելեգրամում
