Թուրքիայի արտգործնախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։ Այս մասին հաղորդագրություն է տարածել թուրքական TRT լրատվամիջոցը:
Ըստ լրատվամիջոցի՝ Ֆիդանը հայտնել է, որ ԹԱՄԺ-ում շարունակվում է Շվեդիայի անդամակցության հետ կապված գործընթացը։
Անդրադառնալով F-16-երի վաճառքին՝ Թուրքիայի արտգործնախարարն ընդգծել է, որ սպասում են, որ «ԱՄՆ վարչակազմը և ԱՄՆ Կոնգրեսը կգործի դաշնակցային ոգուն համապատասխան և կիրականացնի ստանձնված պարտավորությունները»։
Հեռախոսազրույցի ընթացքում քննարկվել են նաև Գազայում ընթացող վերջին զարգացումները, ինչպես նաև Կիպրոսի հարցը։
Հետևեք մեզ տելեգրամում
