Ֆրանսիան «անցանկալի անձ» է հռչակել Փարիզում Ադրբեջանի դեսպանատան երկու աշխատակցի՝ ի պատասխան պաշտոնական Բաքվի քայլի, որն օրերս «անցանկալի անձ» էր հռչակել Ֆրանսիայի դեսպանատան երկու աշխատակցի։
Համաձայն Ֆրանսիայի արտգործնախարարության հայտարարության՝ Ֆրանսիան ի գիտություն է ընդունել Ադրբեջանի կողմից Բաքվում Ֆրանսիայի դեսպանատան դիվանագիտական անձնակազմի երկու աշխատակցի «անցանկալի անձ» հայտարարելը։ Միևնույն ժամանակ նշվում է, որ Ֆրանսիան կտրականապես հերքում է այն մեղադրանքները, որոնք Բաքուն ներկայացրել է իր որոշումը հիմնավորելու համար։
Նշվում է, որ որպես պատասխան քայլ՝ Ֆրանսիան «անցանկալի անձ» է հայտարարել Փարիզում Ադրբեջանի դեսպանատան 2 գործակալի, Ֆրանսիայում Ադրբեջանի դեսպանն ԱԳՆ է կանչվել։
Հիշեցնենք, որ Ադրբեջանը դեկտեմբերի 26-ին «անցանկալի անձ» էր հռչակել Ֆրանսիայի դեսպանատան երկու աշխատակցի, իսկ Ադրբեջանում Ֆրանսիայի դեսպան Անն Բոյոնը կանչվել էր ԱԳՆ։ Բաքուն 48 ժամ էր տվել ֆրանսիացի դիվանագետներին երկիրը լքելու համար։
Հետևեք մեզ տելեգրամում
