Ադրբեջանի նախագահ Իլհամ Ալիևը հայտարարել է, որ «թուրք-ադրբեջանական միասնությունը կարևոր գործոն է դարձել ոչ միայն տարածաշրջանի, այլև Եվրասիայի համար»: Այս մասին նա հայտարարել է Թուրքիայի նախագահ Ռեջեփ Թայիփ Էրդողանի հետ հանդիպման ժամանակ:
Ալիևը նաև նշել է, որ նախագահական ընտրություններից հետո իր առաջին պաշտոնական այցը կատարել է «եղբայրական Թուրքիա»։
«Սիրելի եղբորս հայտարարությունները Ղարաբաղյան երկրորդ պատերազմի սկզբում լուրջ ազդակ էին շատերի համար և շատերին հետ պահեցին այս գործին խառնվելուց։ Ադրբեջանում անջատողական ուժերի համար տեղ չկա և երբեք չի լինի: Այսօր թուրք-ադրբեջանական միասնությունը կարևոր գործոն է դարձել ոչ միայն տարածաշրջանի, այլև Եվրասիայի համար»,- հայտարարել է Ադրբեջանի նախագահը:
Ելույթի ավարտին Ալիևն Էրդողանին հրավիրել է այցելել Ադրբեջան։
Հետևեք մեզ տելեգրամում
