Ուկրաինայում կռվող ադրբեջանցիներին պետք է զրկել քաղաքացիությունից, ինչպես նաև նրանց, ովքեր կռվել են Սիրիայում և Իրաքում։
Ինչպես հաղորդում է ԱՊԱ-ն, այս մասին ասել է Ադրբեջանի խորհրդարանի Մարդու իրավունքների հանձնաժողովի նախագահ Զահիդ Օրուջը Միլի Մեջլիսի այսօրվա նիստում։
«Պետական անվտանգության ծառայության պաշտոնական տվյալների համաձայն՝ մեր 1000-ից ավելի քաղաքացիներ մեկնել են Սիրիա։ Նույն իրավիճակը ստեղծվել է ռուս-ուկրաինական պատերազմում։ Ուկրաինայի պատերազմում խրամատների երկու կողմերում կռվողները պետք է զրկվեն Ադրբեջանի քաղաքացիությունից, ինչպես նաև Սիրիայում և Իրաքում կռվածներին»,- ասել է ադրբեջանցի պաշտոնյան:
Հետևեք մեզ տելեգրամում
