Վրաստանի վարչապետ Իրակլի Կոբախիձեն հանդիպել է Վրաստանում ՀՀ արտակարգ և լիազոր դեսպան Աշոտ Սմբատյանի հետ։
Հանդիպմանը կողմերը անդրադարձել են երկու երկրների բարիդրացիական հարաբերություններին և համագործակցության հեռանկարներին։ Ընդգծվել է ռազմավարական գործընկերության վերաբերյալ Վրաստանի և Հայաստանի միջև ստորագրված համատեղ փաստաթղթի կարևորությունը։
Կողմերը մտքեր են փոխանկել երկու երկրների առևտրատնտեսական հարաբերությունների, ինչպես նաև տրանսպորտի, էներգետիկայի, զբոսաշրջության, մշակույթի և կրթության ոլորտներում համագործակցության շուրջ։
Հանդիպմանը կարևորվել է տարածաշրջանում խաղաղության և կայունության հաստատումը։
Հետևեք մեզ տելեգրամում
