Իսրայելի պաշտպանության նախարար Յոավ Գալանտը հայտարարել է, որ Գազայի դեմ պատերազմը կշարունակվի այնքան ժամանակ, քանի դեռ իսրայելցի գերիներն ազատության մեջ չեն, իսկ ՀԱՄԱՍ-ի վերահսկողությունն ու նրա ռազմական հնարավորությունները չեն ոչնչացվել: Այս մասին գրում է իսրայելական «Haaretz» թերթը:
Գալանտը հավելել է, որ պատերազմը կձևավորի իսրայելցիների կյանքը «գալիք տասնամյակների ընթացքում»:
Նշենք, որ հոկտմեբերի 7-ից ի վեր Իսրայելի պաշտպանության բանակի և ՀԱՄԱՍ-ի միջև ընթանում է պատերազմ, որն արդեն խլել է ավելի քան 32 հազար պաղեստինցու կյանք: Իսրայելի մարդկային կորուստները հասնում են 1410-ի: ՀԱՄԱՍ-ը և Իսրայելը պարբերաբար Կատարի, Եգիպտոսի և ԱՄՆ-ի միջնորդությամբ բանակցություններ են վարել՝ հրադադարի հաստատման նպատակով, սակայն դեռևս հաջողություն չեն գրանցել:
Հետևեք մեզ տելեգրամում
