Վրաստանի խորհրդարանում կրկին ծեծկռտուք է տեղի ունեցել օտարերկրյա գործակալների մասին օրենքի քննարկման ժամանակ:
Ծեծկռտուքին նախորդել է լեզվակռիվ ընդդիմադիր, «Միացյալ ազգային շարժման» նախագահ Լևան Խաբեիշվիլիի և «Վրացական երազանք»-ի պատգամավոր Դմիտրի Սամխարաձեի միջև
Վրացական լրատվամիջոցները փոխանցում են, որ իշխող ուժի պատգամավորը նաև շիշ է նետել Խաբեիշվիլիի վրա, ինչից հետո սկսվել է ծեծկռտուքը։
Նշենք, որ մայիսի 14-ին Վրաստանի խորհրդարանը երրորդ ընթերցմամբ հավանություն է տվել «Օտարերկրյա ազդեցության թափանցիկության մասին» օրինագծին, որին դեմ են արտահայտվել նախագահ Սալոմե Զուրաբիշվիլին, ընդդիմությունը և արևմտյան դիվանագետները՝ այն համարելով Եվրամիությանը՝ հանրապետության ինտեգրման խոչընդոտ։
Ապրիլի 15-ից Թբիլիսիում ընդդիմադիրներն ու քաղաքացիական ակտիվիստները բողոքի ակցիաներ են անցկացնում օրինագծի դեմ։
Հետևեք մեզ տելեգրամում
