Միջազգային քրեական դատարանի գլխավոր դատախազը պահանջել է ձերբակալության հրաման տալ Իսրայելի և ՀԱՄԱՍ-ի առաջնորդների, այդ թվում՝ Իսրայելի վարչապետ Բենիամին Նեթանյահուի համար:
Գլխավոր դատախազի կարծիքով՝ Նեթանյահուն, Իսրայելի պաշտպանության նախարար Յոավ Գալանտը և ՀԱՄԱՍ-ի 3 առաջնորդները՝ Յեհիա Սինվարը, Մուհամմադ Դեյֆը և Իսմայիլ Հանիեն պետք է ձերբակալվեն Գազայի հատվածում և Իսրայելում մարդկության դեմ հանցագործություններ իրականացնելու համար:
Երկու կողմից էլ դեռևս որևէ մեկնաբանություն չի հնչել վերոնշյալ մեղադրանքների կապակցությամբ:
Նշենք, որ ըստ ԶԼՄ-ների տեղեկատվության՝ ՀԱՄԱՍ-ի առաջնորդներ Յեհիա Սինվարը և Մուհամմադ Դեյֆը թաքնվել են Գազայի հատվածում: Սակայն Իսմայիլ Հանեին գտնվում է Կատարում և հաճախակի է տարածաշրջանային այցելությունների իրականացնում:
Հետևեք մեզ տելեգրամում
